Privacy policy

Persónuverndarstefna

Síðast uppfært: 08.05.2026

Þessi persónuverndarstefna lýsir hvernig Koali Heildsala ehf., kt. 471025-0540, Ásbúðartröð 11, 220 Hafnarfjörður (hér eftir "Koali Heildsala", "við" eða "okkur") safnar, notar og varðveitir persónuupplýsingar í tengslum við rekstur vefverslunarinnar outdare.is, þjónustu okkar og samskipti við viðskiptavini.

Við vinnum með persónuupplýsingar í samræmi við lög nr. 90/2018 um persónuvernd og vinnslu persónuupplýsinga og almennu persónuverndarreglugerð Evrópusambandsins (GDPR).

1. Ábyrgðaraðili

Koali Heildsala ehf. er ábyrgðaraðili fyrir þá vinnslu persónuupplýsinga sem lýst er í þessari stefnu.

Netfang fyrir fyrirspurnir: outdare@outdare.is

2. Hvaða upplýsingar við vinnum með

Við vinnum eingöngu með þær persónuupplýsingar sem þú veitir okkur sjálf eða verða til vegna notkunar á þjónustu okkar.

2.1 Tengiliðaupplýsingar

Nafn, heimilisfang, netfang og símanúmer.

Notkun: Til að afgreiða pantanir, afhenda vörur, hafa samband vegna þjónustu og uppfylla lagaskyldur.

Lagagrundvöllur: Samningur og lagaskylda.

2.2 Aldursstaðfesting

Þar sem outdare.is selur nikótínvörur er sala einungis heimil einstaklingum 18 ára og eldri samkvæmt lögum nr. 87/2018. Við söfnum eftirfarandi vegna aldursstaðfestingar:

• Staðfestingu á aldri við kaup (gátreitur).
• Staðfestingu sendils eða starfsmanns á að skilríki hafi verið skoðuð við afhendingu, þegar við á eða staðfesting með rafrænum skilríkjum þegar sótt er á Dropp afhendingarstað.

Við varðveitum ekki ljósrit af skilríkjum og óskum aldrei eftir kennitölu eða ljósmynd af persónuskilríki í gegnum vefinn.

Lagagrundvöllur: Lagaskylda (lög nr. 87/2018) og lögmætir hagsmunir.

2.3 Greiðsluupplýsingar

Við vistum ekki greiðslukortanúmer. Greiðslur fara í gegnum örugga greiðslumiðlun og við móttökum einungis staðfestingu á að greiðsla hafi gengið í gegn.

Notkun: Bókhald og uppgjör samkvæmt lögum.

Lagagrundvöllur: Samningur og lagaskylda.

2.4 Upplýsingar um vörukaup

Keyptar vörur, dagsetningar, upphæðir og sendingarupplýsingar.

Notkun: Afgreiðsla pöntunar, þjónusta við viðskiptavini, skil og endurgreiðslur, ásamt lagaskyldum.

Lagagrundvöllur: Samningur og lagaskylda.

2.5 Póstlistar og markaðssetning

Ef þú skráir þig á póstlista söfnum við netfangi, nafni (ef gefið er upp) og upplýsingum um opnanir og smelli (ef þú samþykkir markaðskökur).

Athugið: Markaðssetning á nikótínvörum er háð takmörkunum samkvæmt lögum nr. 87/2018. Tölvupóstar okkar geta innihaldið almennar upplýsingar um vöruframboð, en ekki beint sölukynningarefni um nikótínvörur til neytenda umfram það sem lög heimila.

Notkun: Fréttabréf, almennar tilkynningar og markaðsefni innan ramma laga.

Lagagrundvöllur: Samþykki.

Þú getur afturkallað samþykki hvenær sem er með því að smella á "afskrá/unsubscribe" í tölvupósti eða hafa samband við okkur.

2.6 Vefkökur og greiningarupplýsingar

Við notum vefkökur til grunnvirkni, tölfræði, notendaupplifunar og markaðssetningar. Nánari upplýsingar eru í kökustefnu verslunarinnar.

Lagagrundvöllur: Lögmætir hagsmunir fyrir nauðsynlegar kökur, samþykki fyrir aðrar.

3. Tilgangur vinnslu

Við vinnum persónuupplýsingar í eftirfarandi tilgangi:

• Afgreiðsla og sending pantana.
• Aldursstaðfesting samkvæmt lögum.
• Reikningsgerð og uppgjör.
• Notendaþjónusta og samskipti við viðskiptavini.
• Umsjón póstlista og markaðssetning (með samþykki).
• Rekstur og öryggi vefverslunar.
• Skyldur samkvæmt bókhalds-, neytenda-, skatta- og nikótínvörulögum.
• Greining og umbætur á þjónustu.

4. Lagagrundvöllur vinnslu

Vinnsla byggist á:

• Samningi (kaup og þjónusta).
• Lagaskyldu (bókhald, skattar, neytendalög, lög um nikótínvörur).
• Samþykki (póstlistar, markaðskökur).
• Lögmætum hagsmunum (grunnrekstur vefverslunar, öryggi og aldurseftirlit).

5. Miðlun persónuupplýsinga

Við miðlum persónuupplýsingum aðeins til þjónustuaðila sem vinna þær fyrir okkar hönd samkvæmt samningi og í samræmi við persónuverndarlög. Þetta getur náð til:

• Shopify (vefverslunarkerfi).
• Dropp og Górilla vöruhús (afhending og lager).
• Greiðslumiðlun.
• Póstlistakerfi (markaðssetning, ef notað).
• Vefhýsingar og öryggisþjónustur.
• Greiningarþjónusta (ef samþykki liggur fyrir).

Þessir vinnsluaðilar fá einungis þær upplýsingar sem nauðsynlegar eru til að sinna verkefnum sínum.

6. Flutningur gagna utan EES

Sumir þjónustuaðilar okkar (t.d. Shopify) starfa utan EES. Þegar persónuupplýsingar eru fluttar út fyrir EES er það gert á grundvelli viðeigandi verndarráðstafana, svo sem staðlaðra samningsákvæða ESB (SCC).

7. Geymslutími

Við varðveitum persónuupplýsingar í samræmi við eftirfarandi:

• Vörukaup og reikningsupplýsingar: 7 ár vegna bókhaldslaga nr. 145/1994.
• Aldursstaðfestingargögn: tengd pöntunarsögu, eytt samhliða.
• Póstlistar: þar til þú afskráir þig.
• Þjónustubeiðnir: yfirleitt 12 mánuði.
• Notkunargögn og greining: samkvæmt kökustefnu.
• Notandaaðgangur (ef við á): meðan hann er virkur.

Upplýsingum er eytt eða þær gerðar ópersónugreinanlegar að geymslutíma loknum.

8. Réttindi þín

Samkvæmt persónuverndarlögum áttu rétt á að:

• Fá upplýsingar um vinnslu persónuupplýsinga þinna.
• Fá aðgang að eigin gögnum.
• Fá gögn leiðrétt.
• Fara fram á eyðingu (í ákveðnum tilvikum).
• Takmarka vinnslu.
• Flytja gögn.
• Andmæla vinnslu.
• Afturkalla samþykki hvenær sem er.
• Leggja fram kvörtun hjá Persónuvernd.

Kvartanir má senda á postur@personuvernd.is eða sjá nánar á personuvernd.is.

9. Öryggi gagna

Við beitum tæknilegum og skipulagslegum öryggisráðstöfunum til að vernda persónuupplýsingar, þar á meðal dulritun samskipta, aðgangsstýringum og öruggri hýsingu hjá viðurkenndum þjónustuaðilum.

10. Breytingar á stefnunni

Við áskiljum okkur rétt til að uppfæra persónuverndarstefnuna eftir því sem þörf krefur. Nýjasta útgáfan er ávallt aðgengileg á outdare.is. Við hvetjum þig til að kynna þér stefnuna reglulega.

11. Hafðu samband

Ef þú hefur spurningar um persónuvernd eða vilt nýta réttindi þín má hafa samband:

Koali Heildsala ehf. Ásbúðartröð 11, 220 Hafnarfjörður Netfang: outdare@outdare.is